Persónuverndarstefna

1 / Inngangur

Læsir snjallforritið er stýrt af Skólalausnum ehf, og fer að öllu eftir lögum um persónuvernd. Þessi stefna útskýrir hvernig við söfnum, vinnum og verndum persónuupplýsingar notenda. Persónuvernd okkar fylgir lögum nr. 90/2018 um persónuvernd og almennu persónuverndarreglugerðinni (GDPR).

2 / Ábyrgðaraðili og vinnsluaðili

Skóli/skólayfirvöld er ábyrgðaraðili fyrir vinnslu persónuupplýsinga í Læsi. Skólalausnir ehf eru vinnsluaðili. Vinnsluaðili ábyrgist að hann muni gæta fyllsta trúnaðar varðandi þær persónuupplýsingar sem hann fær aðgang að og/eða vitneskju um vegna þjónustu sinnar við ábyrgðaraðila

3 / Hvaða upplýsingum söfnum við?

Við söfnum eftirfarandi upplýsingum:

• Nafn nemanda: Nauðsynlegt til að auðkenna barnið innan kerfisins og greina á milli systkina. Ekki er krafist fulls nafns; forráðamaður getur skráð gælunafn eða skammstutt nafn ef hann kýs.

• Kennitala nemanda (aðeins við upphafsskráningu): Eingöngu notuð til að tryggja að sama barn sé ekki skráð oftar en einu sinni. Kennitalan er ekki vistuð í lesanlegu formi heldur um leið umbreytt í dulkóðað auðkenni  sem kerfið notar áfram til að tryggja einkvæmni.

• Netföng foreldra/forráðamanna: Notuð til að búa til aðgang að kerfinu.

• Lestrarupplýsingar: Skráning á mínútufjölda lestrar, fjölda lesinna skipta, og hvaða bækur eru lesnar.

Tæknilegar upplýsingar: T.d. IP-tölur, vafrar og tæki sem eru notuð.

4 / Tilgangur með vinnslu

Vinnsla fer fram til að:

• Halda utan um lestrarframvindu: Skrá upplýsingar um hversu oft nemendur lesa og hvaða bækur þeir lesa.

• Samskipti við foreldra: Til að veita þeim upplýsingar um framvindu nemenda.

5 / Lögmæti vinnslu

Vinnsla persónuupplýsinga byggir á:

• Samþykki forráðamanna.

• Hagsmunum nemenda: Til að bæta námsferli og mæla árangur.

6 / Öryggi persónuupplýsinga

Við tryggjum öryggi persónuupplýsinga með eftirfarandi aðferðum:

• Dulkóðun: Öll samskipti eru dulkóðuð með HTTPS, og gögnin dulkóðuð með AES-256.

• Dulkóðun á kennitölu: Til að tryggja að sama barn sé ekki tvískráð í kerfið biðjum við um kennitölu við fyrstu skráningu. Kennitalan er eingöngu notuð til þessarar auðkenningar, er ekki vistuð í lesanlegu formi og fer ekki í umferð í appinu. Í staðinn er hún strax dulkóðuð og kerfið notar eingöngu það dulkóðaða auðkenni áfram.

• Aðgangsstýringar: Aðgangur er aðeins veittur þeim sem nauðsynlega þurfa á gögnum að halda innan skóla.

• Eftirlit: Reglulegar öryggisúttektir eru framkvæmdar til að tryggja rekjanleika og öryggi gagna.

7 / Geymsla persónuupplýsinga

Gögn eru geymd eins lengi og nauðsynlegt er til að uppfylla tilgang vinnslunnar, nema lög krefjist annars. Þegar vinnslan er ekki lengur nauðsynleg er gögnum eytt í samræmi við lög og vinnslusamning.

8 / Réttindi þín

Þú hefur rétt til:

• Aðgangs: Beiðni um afrit af persónuupplýsingum þínum.

• Leiðréttingar: Leiðrétta rangar eða ónákvæmar upplýsingar.

• Eyðingar: Óska eftir að upplýsingum verði eytt þegar þær eru ekki lengur nauðsynlegar.

• Takmörkunar: Takmarka vinnslu í ákveðnum tilvikum.

• Gagnaflutnings: Flytja persónuupplýsingar þínar til annars aðila ef það er tæknilega mögulegt.

9 / Þriðju aðilar

Við deilum ekki persónuupplýsingum nemenda með þriðja aðila.
Eina undantekningin gæti verið að sveitarfélagið fái aðgang að samantektum og heildartölfræði án þess að hægt sé að rekja gögnin til einstakra barna. Slíkar upplýsingar teljast ekki persónuupplýsingar þar sem ekki er unnt að auðkenna einstaklinga.

10 / Öryggisbrot

Ef til öryggisbrots kemur munum við upplýsa þig og viðeigandi yfirvöld eins fljótt og auðið er og gera viðeigandi ráðstafanir til að lágmarka áhrif þess.

11 / Vafrakökur

Forritið safnar ekki upplýsingum með vefkökum.

12 / Breytingar á persónuverndarstefnu

Við áskiljum okkur rétt til að breyta þessari persónuverndarstefnu hvenær sem er. Allar breytingar verða tilkynntar með tilkynningu í snjallforritinu.

13 / Hafa samband

Ef þú hefur einhverjar spurningar um þessa persónuverndarstefnu, hafðu samband við okkur á skolalausnir@skolalausnir.is